गोवंश प्रकरणात वसमतचे उपनगराध्यक्ष इमरान अली यांचा राजीनामा

वसमत नगरपालिकेचे उपनगराध्यक्ष इमरान अली यांनी गोवंश डांबून ठेवल्याप्रकरणी गुन्हा दाखल झाल्यानंतर आणि टीकेला सामोरे जावे लागल्याने पदाचा राजीनामा दिला. पोलिसांनी केलेल्या छाप्यात 19 गोवंश सापडले होते. अली यांच्यासह शेख जाकेर याच्याविरुद्धही गुन्हा दाखल करण्यात आला आहे. राजीनामा नगराध्यक्ष सुनीता बाहेती यांच्याकडे सोपविण्यात आला असून पुढील प्रक्रियेसाठी जिल्हा प्रशासनाकडे पाठविण्यात आला आहे.