ദുബായ് പോലീസ് 103 വ്യാജ സോഷ്യൽ മീഡിയ അക്കൗണ്ടുകൾ പൂട്ടിച്ചു

ദുബായ് പോലീസ് 103 വ്യാജ സോഷ്യൽ മീഡിയ അക്കൗണ്ടുകൾ പൂട്ടിച്ചതായി അറിയിച്ചു. ഇതോടെ മുൻവർഷത്തെ അപേക്ഷിച്ച് സൈബർ-സാമ്പത്തിക കുറ്റകൃത്യങ്ങളിൽ കുറവുണ്ടായി. വ്യാജ വിസ, യാത്രാ പാക്കേജ്, ഇൻഷുറൻസ് തട്ടിപ്പുകൾക്കെതിരെയുള്ള നടപടികളുടെ ഭാഗമായാണിത്. ക്രിമിനൽ അഫയേഴ്സ് ഡെപ്യൂട്ടി കമാൻഡർ-ഇൻ-ചീഫ് മേജർ ജനറൽ ഹരേബ് മുഹമ്മദ് അൽ ഷംസിയുടെ അധ്യക്ഷതയിൽ നടന്ന യോഗത്തിലാണ് കണക്കുകൾ അവലോകനം ചെയ്തത്. ആർട്ടിഫിഷ്യൽ ഇന്റലിജൻസ് ഉപയോഗിച്ച് കുറ്റകൃത്യങ്ങൾ മുൻകൂട്ടി കണ്ട് തടയാൻ സാധിക്കുന്നുണ്ടെന്നും പോലീസ് വ്യക്തമാക്കി.