एलपीजी, एलएनजी साठ्यासाठी ग्राहकांवर कराचा केंद्राचा विचार

केंद्र सरकार ऊर्जा संकट टाळण्यासाठी ४२ अब्ज डॉलर (सुमारे ३.९९ लाख कोटी रुपये) जमा करण्याच्या योजनेअंतर्गत एलपीजी आणि नैसर्गिक वायू ग्राहकांवर अतिरिक्त कर लादण्याचा विचार करत आहे. प्रस्तावित करामुळे घरगुती गॅस सिलेंडरच्या किमतीत सुमारे १८ रुपयांनी वाढ होऊ शकते. या निधीतून पुढील दशकात कच्च्या तेलासह एलपीजी आणि एलएनजीचा रणनीतिक साठा उभारला जाईल. हा प्रस्ताव अद्याप मंत्रिमंडळाच्या विचाराधीन आहे.