नाशिकच्या रस्त्यांवर 5 वर्षांत 1,260 कोटींचा खर्च, तरीही खड्डे कायम

नाशिक महापालिकेने गेल्या पाच वर्षांत रस्ते बांधणी, काँक्रिटीकरण आणि दुरुस्तीसाठी 1,260.63 कोटी रुपये खर्च केले, तरीही शहरातील रस्त्यांची अवस्था सुधारलेली नाही. बीबीसी मराठीने केलेल्या अभ्यासात ही आकडेवारी समोर आली आहे. खड्ड्यांमुळे गेल्या पाच महिन्यांत पाच जणांचा मृत्यू झाल्याचा आरोप आहे. दरम्यान, भारतीय कम्युनिस्ट पक्षाचे राज्य सहसचिव राजू देसले यांनी खर्चाच्या स्वतंत्र चौकशीची मागणी केली आहे.