निवड समिती अध्यक्षपदी आगरकरच्या जागी लक्ष्मण?

भारतीय क्रिकेट नियामक मंडळाच्या (बीसीसीआय) निवड समितीचे अध्यक्ष अजित आगरकर यांचा कार्यकाळ पुढील महिन्यात संपत असून त्यांना मुदतवाढ मिळण्याची शक्यता कमी आहे. इंग्लंड दौऱ्यात रोहित शर्माच्या निवृत्तीच्या अफवांवरून झालेल्या वादामुळे त्यांचे भवितव्य अनिश्चित झाले आहे. बीसीसीआयचे पदाधिकारी आता सेंटर ऑफ एक्सलन्सचे प्रमुख व्ही.व्ही.एस. लक्ष्मण यांची निवड समिती अध्यक्षपदी नियुक्ती करण्याचा विचार करत आहेत. अंतिम निर्णय सप्टेंबरमध्ये होणाऱ्या बीसीसीआयच्या वार्षिक सर्वसाधारण सभेत होण्याची शक्यता आहे.