രാമവിരുദ്ധർ കോൺഗ്രസും സിപിഎമ്മും സമാജ്വാദിയും: റിജിജു

കേന്ദ്രമന്ത്രി കിരൺ റിജിജു കോൺഗ്രസ്, സമാജ്വാദി പാർട്ടി, സിപിഎം എന്നിവയെ രാമവിരുദ്ധരെന്ന് വിമർശിച്ചു. അയോധ്യ രാമക്ഷേത്രവുമായി ബന്ധപ്പെട്ട് പാർലമെന്റിൽ പ്രതിപക്ഷ പ്രതിഷേധം തുടരുന്നതിനിടെ, പ്രതിപക്ഷം ശ്രീരാമനെയും രാമക്ഷേത്രത്തെയും നിരന്തരം എതിർക്കുന്നുവെന്നും പാർലമെന്റ് സമുച്ചയത്തിൽ നടത്തിയ നാടകം സങ്കടപ്പെടുത്തിയെന്നും അദ്ദേഹം പറഞ്ഞു. ശ്രീരാമനെ അപമാനിച്ചതിന് പ്രതിപക്ഷം മാപ്പ് പറയണമെന്നും റിജിജു ആവശ്യപ്പെട്ടു. എന്നാൽ രാമക്ഷേത്ര കൊള്ളയിൽ ബിജെപി യഥാർത്ഥ കുറ്റവാളികളെ സംരക്ഷിക്കുകയാണെന്ന് അഖിലേഷ് യാദവ് പ്രതികരിച്ചു.