ജന്തർ മന്ദർ പ്രതിഷേധ കേസുകൾ പിൻവലിക്കരുത്: സുപ്രീം കോടതിയിൽ ഹരജി

ന്യൂഡൽഹി: സി.ജെ.പിയുടെ നേതൃത്വത്തിൽ ജന്തർ മന്ദറിൽ നടന്ന വിദ്യാർത്ഥി പ്രക്ഷോഭത്തിൽ പങ്കെടുത്തവർക്കെതിരായ കേസുകൾ പിൻവലിക്കുന്നതിനെ എതിർത്ത് സുപ്രീം കോടതിയിൽ പൊതുതാത്പര്യ ഹരജി നൽകി. മനീഷ് കുമാർ സോളങ്കിയാണ് ഹരജിക്കാരൻ. കേസുകൾ പിൻവലിക്കുന്നത് ഭാവിയിലെ പ്രക്ഷോഭങ്ങൾക്ക് അപകടകരമായ കീഴ്വഴക്കമുണ്ടാക്കുമെന്ന് ഹരജിയിൽ ചൂണ്ടിക്കാട്ടുന്നു. രാജസ്ഥാനിലെ പ്രക്ഷോഭവുമായി ബന്ധപ്പെട്ടും ഹരജിക്കാരന്റെ അഭിഭാഷകൻ ചോദ്യമുയർത്തി. ചീഫ് ജസ്റ്റിസ് സൂര്യ കാന്ത് അടങ്ങുന്ന ബെഞ്ച് ഹരജി പിന്നീട് പരിഗണിക്കും.