PoP गणेशमूर्ती विसर्जन प्रकरणी बॉम्बे हायकोर्टाचे प्रश्न

बॉम्बे उच्च न्यायालयाने प्लास्टर ऑफ पॅरिस (PoP) गणेशमूर्तींच्या विसर्जन प्रकरणी सुनावणी करताना महत्त्वाचे प्रश्न उपस्थित केले. न्यायालयाने स्पष्ट केले की, धार्मिक विधींमध्ये हस्तक्षेप करण्याचा हेतू नाही, परंतु नैसर्गिक जलस्रोतांचे प्रदूषण आणि जैवविविधतेचे संरक्षण हा केंद्रबिंदू आहे. न्यायमूर्ती अजय गडकरी आणि कमल खाता यांच्या खंडपीठाने विचारले की, PoP मूर्तीच असावी असे कोणत्या धर्मग्रंथात आहे? तसेच, पर्यावरण संरक्षणही तितकेच आवश्यक असल्याचे नमूद केले.