म्हाडासाठी राखीव घरे न देणाऱ्यांवर कडक कारवाईचे आदेश

मुंबई उपनगर जिल्ह्याचे सहपालकमंत्री मंगल प्रभात लोढा यांनी म्हाडासाठी राखीव घरे विकासकांनी ताब्यात न दिल्यास कठोर कारवाईचे निर्देश दिले आहेत. वांद्रे येथील सोडत कार्यक्रमात ते बोलत होते. विकास नियंत्रण नियमावलीनुसार अतिरिक्त विकास अधिकारांचा लाभ घेणाऱ्या विकासकांना ही घरे देणे बंधनकारक आहे. लोढा यांनी एफआयआर करून न थांबता गरज पडल्यास कारागृहात पाठवण्याची सूचना केली. यामुळे किमान एक हजार अतिरिक्त घरे उपलब्ध होतील, असा विश्वास त्यांनी व्यक्त केला.