பாலியல் துன்புறுத்தல் குற்றச்சாட்டுகளால் அதிரும் பிரிட்டன் ராணுவ கல்லூரி

பிரிட்டனின் ஹரோகேட் நகரில் உள்ள ஆர்மி ஃபவுண்டேஷன் கல்லூரியில் பயின்ற நான்கு இளம் பெண்கள், அங்கு பாலியல் துன்புறுத்தல் மற்றும் பாலியல் வன்கொடுமை நடந்ததாக குற்றம் சாட்டியுள்ளனர். இவர்களில் ஒருவர், 17 வயதில் சக ஜூனியர் வீரர்களால் கற்பழிக்கப்பட்டதாக கூறியுள்ளார். கடந்த ஐந்து ஆண்டுகளில் இந்த சம்பவங்கள் நடந்ததாகவும், அந்த நிறுவனத்தில் பெண்களுக்கு எதிரான வெறுப்பு மற்றும் பாலியல் வன்முறை கலாச்சாரம் இருப்பதாகவும் அவர்கள் தெரிவித்துள்ளனர். இதுகுறித்து வட யார்க்ஷயர் போலீசில் 16 பாலியல் குற்ற புகார்கள் பதிவாகியுள்ளன. ராணுவம் இந்த குற்றச்சாட்டுகளை 'மிகவும் வேதனையானது மற்றும் தீவிரமானது' என்று கூறியுள்ளது.