ഹൈറേഞ്ച് സിപ്പ് ലൈൻ പൂട്ടിച്ചു; ഉടമയ്ക്കെതിരെ കേസ്

ഇടുക്കി ജില്ലയിലെ അടിമാലി-മൂന്നാർ പാതയിലെ ഇരുട്ടുകാനത്ത് പ്രവർത്തിച്ചിരുന്ന 'ഹൈറേഞ്ച് സിപ്പ് ലൈൻ' സാഹസിക വിനോദസഞ്ചാര കേന്ദ്രം ജില്ലാ ഭരണകൂടത്തിന്റെ ഉത്തരവുകൾ ലംഘിച്ചതിനെ തുടർന്ന് പൂട്ടിച്ചു. മുൻ മന്ത്രി എം.എം. മണിയുടെ സഹോദരൻ എം.എം. ലംബോദരന്റെ ഉടമസ്ഥതയിലുള്ള സ്ഥാപനത്തിനെതിരെ ലൈസൻസും സുരക്ഷാ സർട്ടിഫിക്കറ്റും ഇല്ലാതെ പ്രവർത്തിച്ചതിന് അടിമാലി പോലീസ് കേസെടുത്തു. മണ്ണിടിച്ചിൽ, ഉരുൾപൊട്ടൽ സാധ്യതയുള്ള മേഖലയിൽ പ്രവർത്തിച്ച ഇവിടെ ദുരന്തസാധ്യത മുന്നിൽക്കണ്ട് കളക്ടർ നിരോധനം ഏർപ്പെടുത്തിയിരുന്നു.