GPCBનો મહત્વપૂર્ણ નિર્ણય: બામણબોર GIDC હવે રાજકોટ કચેરી હેઠળ

ગુજરાત પ્રદૂષણ નિયંત્રણ બોર્ડ (GPCB) એ વહીવટી સરળતા અને પર્યાવરણીય દેખરેખ સુધારવા માટે બામણબોર GIDC અને આસપાસના વિસ્તારોને સુરેન્દ્રનગરમાંથી રાજકોટ પ્રાદેશિક કચેરી હેઠળ સ્થાનાંતરિત કર્યા છે. આનાથી અંતર 84 કિમીથી ઘટીને 29 કિમી થશે. બોટાદ જિલ્લાના 169 ઔદ્યોગિક અને 36 હેલ્થકેર એકમોને અમદાવાદ (ગ્રામ્ય)માંથી સુરેન્દ્રનગર કચેરી હેઠળ મૂકવામાં આવ્યા છે, જેનાથી અંતર 130 કિમીથી ઘટીને 70 કિમી થશે. આ નિર્ણય પર્યાવરણ મંત્રી અર્જુન મોઢવાડીયાના નેતૃત્વમાં લેવાયો છે.