अहिल्यानगरमध्ये वाळू वाहतुकीवर अंदाज समितीचा संताप

महाराष्ट्र विधानमंडळ अंदाज समितीने गुरुवारी अहिल्यानगर जिल्हाधिकारी कार्यालयात घेतलेल्या बैठकीत वाळू वाहतुकीमुळे होणाऱ्या रस्त्यांच्या नुकसानीबाबत तीव्र नाराजी व्यक्त केली. समितीने पाच कोटींच्या महसुलासाठी शंभर कोटींचे रस्ते खराब करण्याचा प्रश्न उपस्थित करत वाळू वाहतूक लहान वाहनांनी करण्याची शिफारस केली. तसेच नगर महापालिकेच्या विकास कामांच्या आकडेवारीत त्रुटी आढळल्याने ती दुरुस्त करण्याचे आदेश दिले.