கடன் வசூல் விதிகளை ரிசர்வ் வங்கி இறுக்கியது

கடன் வசூலின் போது கடன் வாங்கியவர்களைத் தொந்தரவு செய்வதைத் தடுக்கும் வகையில் புதிய விதிமுறைகளை ரிசர்வ் வங்கி அறிமுகப்படுத்தியுள்ளது. இதன்படி, கடன் வசூல் நிறுவனங்கள் காலை 8 மணி முதல் மாலை 7 மணி வரை மட்டுமே கடன் வாங்கியவர்களைத் தொடர்பு கொள்ள முடியும். மிரட்டல்கள், அவமானப்படுத்துதல், சமூக ஊடகங்களில் தனிப்பட்ட தகவல்களை வெளியிடுதல் போன்றவை தடை செய்யப்பட்டுள்ளன. மேலும், நிதி வசதி பெற்ற ஸ்மார்ட்போன்கள், டேப்லெட்டுகள் போன்றவற்றை தொலைதூரத்தில் முடக்குவதற்கும் விதிகள் வகுக்கப்பட்டுள்ளன. புதிய விதிமுறைகள் ஜனவரி 1, 2027 முதல் அமலுக்கு வரும்.