ఏపీ హస్తకళలకు క్యూఆర్ కోడ్ గుర్తింపు

ఆంధ్రప్రదేశ్ హస్తకళల అభివృద్ధి సంస్థ (లేపాక్షి) ఉప ముఖ్యమంత్రి పవన్ కళ్యాణ్ ఆదేశాల మేరకు హస్తకళా ఉత్పత్తుల కోసం క్యూఆర్ కోడ్ ఆధారిత గుర్తింపు వ్యవస్థను ప్రవేశపెట్టింది. ఈ చొరవతో దేశంలోనే మొదటి రాష్ట్రంగా నిలిచింది. కొనుగోలుదారులు క్యూఆర్ కోడ్ స్కాన్ చేసి ఉత్పత్తి వివరాలు, కళాకారుడి పేరు, చరిత్ర, జీఐ ట్యాగ్ వంటి సమాచారం పొందవచ్చు. మొదటి దశలో బొబ్బిలి వీణ, కలంకారి చిత్రాలు సహా ఎనిమిది ప్రసిద్ధ హస్తకళలకు ప్రొఫైల్స్ రూపొందించారు.