വീട്ടുപടിക്കൽ പെൻഷൻ വിതരണം നിർത്തൽ: പിണറായിയുടെ രൂക്ഷ വിമർശനം

സഹകരണ സംഘങ്ങൾ വഴിയുള്ള വീട്ടുപടിക്കൽ പെൻഷൻ വിതരണം നിർത്താനുള്ള സർക്കാർ നീക്കത്തെ പ്രതിപക്ഷ നേതാവ് പിണറായി വിജയൻ രൂക്ഷമായി വിമർശിച്ചു. ജനകീയ പെൻഷൻ വിതരണ സംവിധാനം അട്ടിമറിച്ച് പദ്ധതി തന്നെ നിർത്തലാക്കാനുള്ള യു.ഡി.എഫ് അജണ്ടയുടെ ആദ്യ പടിയാണിതെന്ന് അദ്ദേഹം ഫേസ്ബുക്കിൽ കുറിച്ചു. ബാങ്കിങ് സേവനത്തിന് പുറത്തുള്ള അടിസ്ഥാന വിഭാഗക്കാർക്കും ആരോഗ്യപ്രശ്നങ്ങളുള്ളവർക്കും ഇത് വലിയ തിരിച്ചടിയാണെന്നും ഉത്തരവ് പിൻവലിക്കണമെന്നും അദ്ദേഹം ആവശ്യപ്പെട്ടു.