બિહારમાં અકસ્માત બાદ હિંસા, પાંચ વાહનોને આગ ચાંપી

પટનાના બાયપાસ પોલીસ સ્ટેશન વિસ્તારમાં નેશનલ હાઇવે પર બેકાબુ બસે 26 વર્ષીય મનીષ કુમારને ટક્કર મારતાં તેનું ઘટનાસ્થળે મોત થયું હતું. આ અકસ્માત બાદ ગુસ્સે ભરાયેલા ટોળાએ હાઇવે બ્લોક કરી દીધો હતો અને બસ સહિત પાંચ વાહનોને આગ ચાંપી હતી. પોલીસ અને મીડિયા કર્મચારીઓ પર પથ્થરમારો પણ થયો હતો. ફાયર બ્રિગેડને કાર્યવાહી કર્યા વિના પાછા ફરવું પડ્યું હતું. વરિષ્ઠ અધિકારીઓએ વધારાના દળો સાથે ઘટનાસ્થળે પહોંચી પરિસ્થિતિ કાબૂમાં લીધી હતી અને તપાસ શરૂ કરી છે.