ગુજરાત યુનિવર્સિટીમાં નીરજા ગુપ્તા સામે ભ્રષ્ટાચારના આક્ષેપ સાથે ઉગ્ર વિરોધ

ગુજરાત યુનિવર્સિટીના કેમ્પસમાં અખિલ ભારતીય વિદ્યાર્થી પરિષદ (ABVP) એ પૂર્વ કુલપતિ ડો. નીરજા ગુપ્તા સામે ઉગ્ર વિરોધ પ્રદર્શન કર્યું હતું. વિદ્યાર્થીઓએ નકલી નોટો ઉડાડીને નાણાકીય ભ્રષ્ટાચાર સામે પ્રતીકાત્મક નાટક ભજવ્યું હતું. ABVP એ આરોપ લગાવ્યો છે કે ગુપ્તાએ મનસ્વી રીતે ભરતી કરી અને ધારાધોરણથી વધુ પગાર આપીને યુનિવર્સિટીના ભંડોળનો દુરુપયોગ કર્યો. સંગઠને તટસ્થ તપાસ અને કડક કાર્યવાહીની માગ કરી છે, અન્યથા અનિશ્ચિત ધરણાંની ચેતવણી આપી છે.