ಬೆಂಗಳೂರಿನಲ್ಲಿ ಇಬ್ಬರು ನೇಪಾಳಿ ಮಹಿಳೆಯರ ಆತ್ಮಹತ್ಯೆ

ಬೆಂಗಳೂರಿನ ಯಲಹಂಕದಲ್ಲಿ ಇಬ್ಬರು ನೇಪಾಳಿ ಮಹಿಳೆಯರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಪೊಲೀಸರ ಪ್ರಾಥಮಿಕ ತನಿಖೆಯ ಪ್ರಕಾರ, ಸಿರ್ಜನಾ (22) ಮತ್ತು ರೀಟಾ (23) ನಡುವೆ ಪ್ರೇಮ ಸಂಬಂಧವಿತ್ತು. ಕುಟುಂಬದವರು ಅವರನ್ನು ಬೇರ್ಪಡಿಸಿ, ಇತರರೊಂದಿಗೆ ಮದುವೆ ಮಾಡಲು ಯೋಜಿಸಿದ್ದರು. ಸಾಮಾಜಿಕ ಒತ್ತಡ ಮತ್ತು ಕುಟುಂಬದ ವಿರೋಧದಿಂದ ಮಾನಸಿಕವಾಗಿ ಕುಗ್ಗಿದ ಅವರು ಗುರುವಾರ ಜಕ್ಕೂರು ರಸ್ತೆಯ ಮರವೊಂದಕ್ಕೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.