कोलंबिया एफजीएमवर बंदी घालणारा पहिला लॅटिन अमेरिकी देश

कोलंबियाने महिला जननेंद्रिय छेदन (एफजीएम) या प्रथेवर बंदी घालणारा लॅटिन अमेरिकेतील पहिला देश ठरण्याचा मान मिळवला आहे. संसदेत हे विधेयक एकमताने मंजूर झाले. एम्बेरा आदिवासी समुदायातील कार्यकर्ती कार्ला क्विनोनेझसह अनेकांच्या प्रयत्नांनंतर हा ऐतिहासिक निर्णय झाला. जागतिक आरोग्य संघटनेच्या मते, जगभरात २३ कोटींहून अधिक महिला आणि मुलींवर ही प्रथा झाली आहे.