ലിവർപൂൾ ഓഹരി വാങ്ങാൻ ബെസോസും ഭാട്ടിയയും

ഇംഗ്ലീഷ് പ്രീമിയർ ലീഗ് ടീമായ ലിവർപൂളിന്റെ 30 ശതമാനം ഓഹരികൾ വാങ്ങാൻ ആമസോൺ സ്ഥാപകൻ ജെഫ് ബെസോസും ബ്രിട്ടീഷ്-ഇന്ത്യൻ ശതകോടീശ്വരൻ അമിത് ഭാട്ടിയയും ചേർന്നുള്ള കൺസോർഷ്യം രംഗത്തെത്തി. ഫെയ്സ്ബുക് സഹസ്ഥാപകൻ എഡ്വാർഡോ സാവറിനും കൺസോർഷ്യത്തിലുണ്ട്. ലിവർപൂളിനെ 600 കോടി ഡോളർ മൂല്യം കണക്കാക്കിയാണ് ഡീൽ. ഉടമസ്ഥരായ ഫെൻവേ സ്പോർട്സ് ഗ്രൂപ്പ് ഇക്കാര്യം സ്ഥിരീകരിച്ചു.