എ.ആർ. റഹ്മാന്റെ മകൻ അമീന് വാഹനാപകടത്തിൽ പരിക്ക്

സംഗീത സംവിധായകൻ എ.ആർ. റഹ്മാന്റെ മകനും ഗായകനുമായ എ.ആർ. അമീന് ചെന്നൈ ഗിണ്ടിയിൽ വാഹനാപകടത്തിൽ പരിക്കേറ്റു. ഞായറാഴ്ച വൈകുന്നേരം കാത്തിപ്പാറ ഫ്ലൈഓവറിന് സമീപം സുഹൃത്തിനൊപ്പം സഞ്ചരിക്കുകയായിരുന്ന പോർഷെ കാർ വാഗൺ-ആറുമായി കൂട്ടിയിടിക്കുകയായിരുന്നു. ഇരുവരെയും കാവേരി ആശുപത്രിയിൽ പ്രവേശിപ്പിച്ചെങ്കിലും പ്രാഥമിക ശുശ്രൂഷയ്ക്ക് ശേഷം ഡിസ്ചാർജ് ചെയ്തു. അമീന്റെ ആരോഗ്യനില തൃപ്തികരമാണെന്ന് അധികൃതർ അറിയിച്ചു. അപകടത്തിൽപ്പെട്ട വാഹനങ്ങൾ പോലീസ് കസ്റ്റഡിയിലെടുത്ത് അന്വേഷണം ആരംഭിച്ചു.