ಅಕ್ಟೋಬರ್ 1ರಿಂದ ಸಬ್ಸಿಡಿ ಎಲ್ಪಿಜಿಗೆ ಬಯೋಮೆಟ್ರಿಕ್ ಆಧಾರ್ ಕಡ್ಡಾಯ

ಅಕ್ಟೋಬರ್ 1ರಿಂದ ಸಬ್ಸಿಡಿ ದರದಲ್ಲಿ ಎಲ್ಪಿಜಿ ಸಿಲಿಂಡರ್ ಬುಕಿಂಗ್ಗೆ ಬಯೋಮೆಟ್ರಿಕ್ ಆಧಾರ್ ದೃಢೀಕರಣ (ಬಿಎಎ) ಕಡ್ಡಾಯವಾಗಲಿದೆ ಎಂದು ಕೇಂದ್ರ ಸರ್ಕಾರ ಪ್ರಕಟಿಸಿದೆ. ಸಬ್ಸಿಡಿ ಸಿಲಿಂಡರ್ಗಳನ್ನು ವಾಣಿಜ್ಯ ಉದ್ದೇಶಗಳಿಗೆ ದುರುಪಯೋಗ ಮಾಡುವುದನ್ನು ತಡೆಗಟ್ಟುವುದು ಮತ್ತು ನಕಲಿ ಹಾಗೂ ಅನರ್ಹ ಸಂಪರ್ಕಗಳನ್ನು ಗುರುತಿಸಿ ತೆಗೆದುಹಾಕುವುದು ಈ ಕ್ರಮದ ಉದ್ದೇಶವಾಗಿದೆ. ಈಗಾಗಲೇ ಬಿಎಎ ಪೂರ್ಣಗೊಳಿಸಿದ ಗ್ರಾಹಕರಿಗೆ ಮರು ಅರ್ಜಿ ಅಗತ್ಯವಿಲ್ಲ; ಬಾಕಿ ಇರುವವರು ವಿತರಣಾ ಸಮಯ, ವಿತರಕರ ಶೋರೂಮ್ ಅಥವಾ ಒಎಂಸಿ ಆ್ಯಪ್ಗಳ ಮೂಲಕ ಪೂರ್ಣಗೊಳಿಸಬಹುದು. ಬಿಎಎ ಬೇಡವೆಂದರೆ ಒಎಂಸಿ ಡಿಜಿಟಲ್ ಚಾನೆಲ್ಗಳಲ್ಲಿ ಔಪಚಾರಿಕವಾಗಿ ಆಪ್ಟ್ ಔಟ್ ಮಾಡಬಹುದು; ಅವರಿಗೆ ಸಬ್ಸಿಡಿ ಇಲ್ಲದೆ ಮಾರುಕಟ್ಟೆ ದರದಲ್ಲಿ 5 ಕೆಜಿ ಅಥವಾ 10 ಕೆಜಿ ಸಿಲಿಂಡರ್ ಸಿಗಲಿದೆ.