స్థానిక ఎన్నికలపై జగన్ సమీక్ష, అభ్యర్థుల ఎంపికకు కీలక ఆదేశాలు

ఆంధ్రప్రదేశ్‌లో రాబోయే స్థానిక సంస్థల ఎన్నికలపై వైయస్ జగన్మోహన్ రెడ్డి సమీక్ష నిర్వహించారు. ప్రజాబలం ఉన్న నేతలను త్వరగా గుర్తించాలని, పార్టీ శ్రేణుల అభిప్రాయాలు తీసుకుని సమగ్ర చర్చల తర్వాతే అభ్యర్థుల జాబితా ఖరారు చేయాలని ఆదేశించారు. స్థానిక ఎన్నికల విజయమే భవిష్యత్ సార్వత్రిక ఎన్నికలకు పునాది అని ఆయన అభిప్రాయపడ్డారు. అధికార పక్షం పోలీసు యంత్రాంగాన్ని వాడుకునే అవకాశం ఉందని ఆందోళన వ్యక్తం చేస్తూ, ప్రత్యామ్నాయ వ్యూహాలు సిద్ధం చేసుకోవాలని సూచించారు.