ಇರಾನ್ ಎಚ್ಚರಿಕೆ: ಮತ್ತೆ ದಾಳಿಯಾದರೆ ಯುದ್ಧ ಹಿಂದೂ ಮಹಾಸಾಗರಕ್ಕೆ ವ್ಯಾಪಿಸಬಹುದು

ಅಮೆರಿಕ ಅಥವಾ ಇಸ್ರೇಲ್ ಮತ್ತೆ ದಾಳಿ ನಡೆಸಿದರೆ ಪಶ್ಚಿಮ ಏಷ್ಯಾದ ಯುದ್ಧ ಹಿಂದೂ ಮಹಾಸಾಗರದವರೆಗೆ ಹರಡಬಹುದು ಎಂದು ಇರಾನ್ ಎಚ್ಚರಿಕೆ ನೀಡಿದೆ. ಈಗಾಗಲೇ ಯುದ್ಧ ಪರ್ಷಿಯನ್ ಕೊಲ್ಲಿ, ಹೋರ್ಮುಝ ಜಲಸಂಧಿ ಮತ್ತು ಕೆಂಪು ಸಮುದ್ರದವರೆಗೆ ವ್ಯಾಪಿಸಿದೆ ಎಂದು ಸುಪ್ರೀಂ ಲೀಡರ್ ಖಮೇನಿ ಸಲಹೆಗಾರ ಯಾಹ್ಯಾ ರಹೀಮ್ ಸಫಾವಿ ಹೇಳಿದ್ದಾರೆ. ಇದು ಭಾರತ ಮತ್ತು ಚೀನಾದಂತಹ ತೈಲ ಆಮದುದಾರ ದೇಶಗಳ ಮೇಲೆ ಪರಿಣಾಮ ಬೀರಬಹುದು ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.