गोवा क्रिकेट असोसिएशनचे सदस्य प्रशांत काकोडे निलंबित

गोवा क्रिकेट असोसिएशनच्या नैतिकता अधिकारी तथा लोकपालांनी व्यवस्थापन समितीचे सदस्य प्रशांत काकोडे यांना हितसंबंधांच्या संघर्षामुळे तत्काळ निलंबित केले आहे. त्यांचा मुलगा मनीष काकोडे याला जीसीए संघ निवडीतून वगळण्याची मागणी मात्र लोकपालांनी फेटाळली. माजी क्रिकेटपटू सुदिन विनायक कामत यांच्या तक्रारीवर ही कारवाई झाली. सर्व अधिकाऱ्यांना १५ दिवसांत हितसंबंध संघर्ष घोषणापत्र सादर करण्याचे निर्देश देण्यात आले आहेत.