ಸೆನ್ಸೆಕ್ಸ್ 1000 ಅಂಕ ಇಳಿಕೆ, ನಿಫ್ಟಿ 300 ಅಂಕ ಕುಸಿತ

ಭಾರತೀಯ ಷೇರು ಮಾರುಕಟ್ಟೆಯಲ್ಲಿ ಸೋಮವಾರ ಸೆನ್ಸೆಕ್ಸ್ 1000 ಅಂಕ (1.30%) ಕುಸಿದು 72,900 ಕೆಳಗೆ, ನಿಫ್ಟಿ 300 ಅಂಕ ಇಳಿದು 22,850ಕ್ಕೆ ತಲುಪಿದೆ. ಬ್ಯಾಂಕಿಂಗ್ ಮತ್ತು ಎಫ್‌ಎಂಸಿಜಿ ಷೇರುಗಳಲ್ಲಿ ಭಾರಿ ಮಾರಾಟ ಒತ್ತಡ ಕಂಡುಬಂದಿದೆ. ಅಮೆರಿಕ-ಇರಾನ್ ಉದ್ವಿಗ್ನತೆ, ರಶಿಯಾ-ಉಕ್ರೇನ್ ಜಿದ್ದಾಜಿದ್ದಿ ಮತ್ತು ಬ್ರೆಂಟ್ ಕಚ್ಚಾ ತೈಲ ಬೆಲೆ 107 ಡಾಲರ್ ಏರಿಕೆಯಿಂದ ಹೂಡಿಕೆದಾರರ ಆತಂಕ ಹೆಚ್ಚಿದೆ. ಅಮೆರಿಕದ 10 ವರ್ಷಗಳ ಬಾಂಡ್ ಇಳುವರಿ 5.11% ತಲುಪಿದ್ದು, ವಿದೇಶಿ ಹೂಡಿಕೆ ಹೊರಹರಿವಿಗೆ ಕಾರಣವಾಗಿದೆ.