இந்திய ஐடி துறையில் 6-இல் ஒருவருக்கு மட்டுமே ஏஐ திறன்: ஆய்வு

இந்திய ஐடி துறையில் பணியாற்றும் ஆறு வல்லுநர்களில் ஒருவருக்கு மட்டுமே செயற்கை நுண்ணறிவு சார்ந்த உயர் திறன்கள் உள்ளதாக டீம்லீஸ் டிஜிட்டல் ஆய்வறிக்கை தெரிவிக்கிறது. 37,000 வேலைவாய்ப்புகளை ஆய்வு செய்ததில், சுமார் 20 லட்சம் ஊழியர்கள் ஏஐ கருவிகளை பயன்படுத்த பயிற்சி பெற்றிருந்தாலும், மேம்பட்ட திறன்களை பெற்றவர்கள் சுமார் 3 லட்சம் (16%) பேர் மட்டுமே. ஏஐ கருவிகளை பயன்படுத்தத் தெரிவது சாதாரண தகுதியாக மாறியுள்ளதால், ஏஐ தொழில்நுட்பங்களை கட்டமைக்கும் திறன் கொண்டவர்களுக்கே அதிக சம்பளம் கிடைக்கும் என நிறுவனத்தின் சி.இ.ஓ நிதி சர்மா தெரிவித்துள்ளார்.