ಸರಹದ್ದಿನಲ್ಲಿ ಇಬ್ಬರ ಸಾವು: ಪಾಕಿಸ್ತಾನ ಭಾರತೀಯ ರಾಜತಾಂತ್ರಿಕನನ್ನು ಕರೆಸಿ ಪ್ರತಿಭಟನೆ

ಪಂಜಾಬ್‌ನ ತರನ್‌ತಾರನ್‌ನಲ್ಲಿ ಭಾರತ-ಪಾಕ್ ಗಡಿಯ ಬಳಿ ಇಬ್ಬರ ಸಾವಿನ ಹಿನ್ನೆಲೆಯಲ್ಲಿ ಪಾಕಿಸ್ತಾನ ಶನಿವಾರ ಭಾರತೀಯ ರಾಜತಾಂತ್ರಿಕನನ್ನು ಕರೆಸಿ ತೀವ್ರ ಪ್ರತಿಭಟನೆ ದಾಖಲಿಸಿದೆ. ಮೃತರು ತನ್ನ ಪೌರರೆಂದು ಪಾಕಿಸ್ತಾನ ಹೇಳಿದರೆ, ಅವರು ಅಕ್ರಮವಾಗಿ ಗಡಿ ದಾಟುತ್ತಿದ್ದಾಗ ಬಿಎಸ್‌ಎಫ್ ಎಚ್ಚರಿಕೆ ನೀಡಿ ಗುಂಡು ಹಾರಿಸಿತು ಎಂದು ಭಾರತ ತಿಳಿಸಿದೆ. ಘಟನೆಯ ನಿಖರ ವಿಚಾರಣೆಗೆ ಪಾಕಿಸ್ತಾನ ಒತ್ತಾಯಿಸಿದೆ.