‘డ్రాగన్’ భారీ షెడ్యూల్: రామోజీ ఫిల్మ్ సిటీలో ఎన్టీఆర్ రీఎంట్రీ?

ఎన్టీఆర్, ప్రశాంత్ నీల్ కాంబినేషన్‌లో తెరకెక్కుతున్న ‘డ్రాగన్’ ఈ నెల మూడో వారంలో హైదరాబాద్‌లోని రామోజీ ఫిల్మ్ సిటీలో భారీ షెడ్యూల్‌ను ప్రారంభించనుంది. షూటింగ్‌లో గాయపడి విశ్రాంతి తీసుకుంటున్న ఎన్టీఆర్ ఈ షెడ్యూల్‌తో తిరిగి జాయిన్ కానున్నారు. మొదట భారీ పాట, ఆ తర్వాత పీటర్ హెయిన్ నేతృత్వంలో యాక్షన్ సీక్వెన్స్ చిత్రీకరించనున్నారు. మైత్రీ మూవీ మేకర్స్, ఎన్టీఆర్ ఆర్ట్స్ నిర్మిస్తున్న ఈ చిత్రం వచ్చే ఏడాది జూన్‌లో విడుదల కానుంది.