अंबडमधील दूषित पाण्यावर कठोर कारवाईचे महाजनांचे निर्देश

नाशिकच्या अंबड औद्योगिक वसाहतीलगतच्या परिसरातील कुपनलिकांमधून पिवळ्या रंगाचे, उग्र वासाचे रासायनिक पाणी येत असल्याच्या तक्रारींची गंभीर दखल घेत पालकमंत्री गिरीश महाजन यांनी घटनास्थळी पाहणी केली. प्रक्रिया न करता सांडपाणी सोडणाऱ्या कंपन्यांवर तातडीने कारवाई करावी, गरज भासल्यास कंपन्या बंद कराव्यात, असे निर्देश त्यांनी दिले. दूषित पाण्याचा वापर रोखण्यासाठी हातपंप व कुपनलिका सील करण्याचे आदेशही देण्यात आले.