सौरव दास यांचा दिल्ली पोलिसांवर कायदेशीर प्रक्रिया उल्लंघनाचा आरोप

सीजेपी नेते सौरव दास यांनी दिल्ली पोलिसांवर कायदेशीर प्रक्रियेचं उल्लंघन केल्याचा आरोप केला आहे. विमानातून उतरण्याआधीच आपल्याला अभिजीत दिपके आणि आशुतोष रांका यांच्यासह ताब्यात घेतल्याचा, अटकेची कारणं न दाखवल्याचा आणि फोन जप्तीचा मेमो न दिल्याचा दावा त्यांनी केला. वकिलांशी संपर्क नाकारल्याचा आरोपही त्यांनी केला. दिल्ली पोलिसांनी मात्र कायदेशीर प्रक्रिया पूर्ण केल्याचं सांगितलं. ११ ऑक्टोबरला तिघांची दंडाधिकाऱ्यांच्या आदेशानंतर सुटका झाली.