நேபாளத்தில் திடீர் வெள்ளம்: 40 வீடுகள், 6 பாலங்கள் அடித்துச் செல்லப்பட்டன

நேபாளத்தின் மனாசுலு மலையேற்றப் பகுதியில் ஞாயிற்றுக்கிழமை அதிகாலை ஏற்பட்ட திடீர் வெள்ளப்பெருக்கில் சுமார் 40 வீடுகளும் 6 பாலங்களும் அடித்துச் செல்லப்பட்டன. 10 பேர் வரை மாயமாகியுள்ளதாகவும், 150க்கும் மேற்பட்ட வெளிநாட்டு சுற்றுலாப் பயணிகள் பாதுகாப்பின்றி சிக்கித் தவிப்பதாகவும் தகவல்கள் வெளியாகியுள்ளன. நேபாள ராணுவம் இதுவரை 49 பேரை மீட்டுள்ளது. புதிகந்தகி நீர்மின் திட்டம் சேதமடைந்துள்ளதுடன், திரிசூலி மற்றும் நாராயணி நதிக்கரைகளில் எச்சரிக்கை விடுக்கப்பட்டுள்ளது.