சென்னை ஓபனில் மாயா, வைஷ்ணவி அபார வெற்றி

சென்னை ஓபன் 250 மகளிர் டென்னிஸ் தொடரின் முதல் சுற்றில் இந்திய வீராங்கனைகள் மாயா ராஜேஷ்வரன் மற்றும் வைஷ்ணவி அத்கர் வெற்றி பெற்று இரண்டாம் சுற்றுக்கு முன்னேறினர். 17 வயதான மாயா, உலகத் தரவரிசையில் 115-ஆம் இடத்தில் உள்ள போலந்தின் கதர்சினா கவாவை 6-4, 2-6, 7-6 என்ற செட் கணக்கில் வீழ்த்தினார். வைஷ்ணவி, பிரிட்டனின் ஜோடி பர்ரேஜை 3-6, 6-3, 7-5 என்ற கணக்கில் தோற்கடித்தார். இருவரும் தங்கள் முதல் WTA டூர் வெற்றியைப் பதிவு செய்தனர்.