ನಗರೀಕರಣದಿಂದ ಹಂಡೆ ಶೃಂಗಾರ ಸಂಪ್ರದಾಯ ಕಣ್ಮರೆ

ಕರಾವಳಿ ಹಾಗೂ ಮಲೆನಾಡಿನಲ್ಲಿ ದೀಪಾವಳಿ ಸಂದರ್ಭ ತಾಮ್ರದ ಹಂಡೆ, ಕೊಡಕ್ಕೆ ಕೆಮ್ಮಣ್ಣಿನ ಚಿತ್ತಾರ ಬಿಡಿಸಿ ಹಿಂಡ್ಲ ಕಾಯಿ ಬಳ್ಳಿ, ಚಂಡುಹೂವಿನ ಮಾಲೆಯಿಂದ ಅಲಂಕರಿಸುವ ಪರಂಪರೆ ಇತ್ತು. ನಗರೀಕರಣ ಮತ್ತು ಪರಿಸರ ಬದಲಾವಣೆಯಿಂದ ಈ ಸಸ್ಯಗಳು ಅಪರೂಪವಾಗಿವೆ. ಹಿಂದೆ ಸಮುದಾಯವನ್ನು ಒಗ್ಗೂಡಿಸುತ್ತಿದ್ದ ಆಚರಣೆ ಇಂದು ಮಾರುಕಟ್ಟೆಯಲ್ಲಿ ಹಣ ಕೊಟ್ಟು ಖರೀದಿಸುವ ವಹಿವಾಟಾಗಿ ಮಾರ್ಪಟ್ಟಿದೆ.