நடிகர் சேத்தன் அஹிம்சா கர்நாடகாவில் புதிய கட்சி தொடங்க திட்டம்

நடிகரும் ஆர்வலருமான சேத்தன் அஹிம்சா, கர்நாடகாவில் புதிய அரசியல் கட்சியை தொடங்க இருப்பதாக அறிவித்துள்ளார். சனிக்கிழமை செய்தியாளர்களிடம் பேசிய அவர், அடுத்த ஆண்டு ஜனவரியில் கட்சி தொடங்கப்படும் என்றும், மாநிலம் முழுவதும் ஆதரவை திரட்டி வருவதாகவும் கூறினார். சுற்றுச்சூழலை மையமாக கொண்ட இந்த கட்சி, தற்போதைய அரசியலுக்கு மாற்றாக செயல்படும் என தெரிவித்தார். பிரஜாகீய கட்சி மற்றும் பிற தலைவர்களையும் விமர்சித்தார்.