കേരളത്തിൽ മഴ ശക്തം; ആറ് ജില്ലകളിൽ യെല്ലോ അലേർട്ട്

കേരളത്തിൽ മഴ ശക്തമാകുന്ന സാഹചര്യത്തിൽ പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ ജില്ലകളിൽ ഇന്ന് യെല്ലോ അലേർട്ട് പ്രഖ്യാപിച്ചു. ശക്തമായ കാറ്റിനും സാധ്യതയുണ്ടെന്ന് അധികൃതർ അറിയിച്ചു. കഴിഞ്ഞ ദിവസത്തെ കനത്ത മഴയിലും മണ്ണിടിച്ചിലിലും ഒമ്പത് പേർ മരിച്ചു; ഒരാളെ കണ്ടെത്താനുള്ള തെരച്ചിൽ തുടരുന്നു. താഴ്ന്ന പ്രദേശങ്ങളിലും മണ്ണിടിച്ചിൽ സാധ്യതയുള്ള മേഖലകളിലും ജാഗ്രത നിർദ്ദേശം.