नाशिक ग्रामीणमध्ये गणेश विसर्जन मिरवणुकीत लेझर लाईटवर बंदी

नाशिक ग्रामीण जिल्ह्यात २५ ते २८ सप्टेंबर २०२६ दरम्यानच्या गणेश विसर्जन मिरवणुकांमध्ये लेझर लाईटच्या वापरावर बंदी घालण्यात आली आहे. अपर जिल्हादंडाधिकारी रोहितकुमार राजपूत यांनी भारतीय नागरिक सुरक्षा संहिता-२०२३ च्या कलम १६३ अंतर्गत हा प्रतिबंधात्मक आदेश जारी केला. जिल्ह्यात यंदा सुमारे २,६०३ सार्वजनिक गणपती आहेत. डीजे आणि साऊंड सिस्टिम मालकांना ध्वनी मर्यादा पाळण्याच्या सूचना देण्यात आल्या असून, नियम उल्लंघन झाल्यास कारवाई केली जाईल.