भिंगारमध्ये गणेश विसर्जनादरम्यान एकाचा मृत्यू; तणावानंतर १८ तासांनी विसर्जन पूर्ण

अहिल्यानगरजवळील भिंगार येथे गणेश विसर्जन मिरवणुकीत पोलिस लाठीमारानंतर शुक्लेश्वर तरुण मंडळाचे कार्यकर्ते दीपक वाघस्कर (५०) यांचा मृत्यू झाला. यामुळे तणाव निर्माण झाला आणि चार मंडळांनी विसर्जन थांबवले. पोलिसांनी चौकशीचे आश्वासन दिल्यानंतर १८ तासांनी विसर्जन पूर्ण झाले. स्थानिक गुन्हे शाखा तपास करणार असून संबंधित अधिकाऱ्यांना सक्तीच्या रजेवर पाठवण्यात आले आहे.