போயிங் 737 மேக்ஸ் விமானங்களில் ஆட்டோபைலட் மென்பொருள் கோளாறு; இந்தியாவில் 96 விமானங்கள் பாதிப்பு

போயிங் 737 மேக்ஸ் விமானங்களின் ஆட்டோபைலட் அமைப்பில் மென்பொருள் கோளாறு கண்டறியப்பட்டுள்ளது. லேண்டிங் ரத்து செய்து மாற்றுப் பாதைக்குச் செல்லும்போது ஆட்டோபைலட் தானாக செயலிழக்கும் அபாயம் உள்ளதாக போயிங் எச்சரித்துள்ளது. இந்தியாவில் ஏர் இந்தியா எக்ஸ்பிரஸ் மற்றும் ஆகாசா ஏர் இயக்கும் 96 விமானங்கள் பாதிக்கப்படலாம். பயணங்களின் பாதுகாப்பிற்கு பாதிப்பில்லை என்றும், விமானிகள் கைமுறையாக கட்டுப்படுத்தி பாதுகாப்பாக தரையிறக்க முடியும் என்றும் நிறுவனங்கள் தெரிவித்துள்ளன.