मुंबईत रस्ते खोदाईसाठी नवीन धोरण; डायमंड कटर बंधनकारक

मुंबई महापालिकेने रस्ते खोदाई व पुनर्भरणासाठी सुधारित धोरण २०२६ जाहीर केले आहे. सिमेंट काँक्रिट रस्त्यांवर खोदाईसाठी डायमंड कटरचा वापर बंधनकारक करण्यात आला असून, पुनर्भरण हमी कालावधी सिमेंटसाठी दहा वर्षे व डांबरीसाठी पाच वर्षे करण्यात आला आहे. उपयोगिता संस्थांना भूमिगत वाहिन्या टाकण्यास परवानगी देण्यात येणार असून, अटींचे उल्लंघन केल्यास पुढील खोदाईस परवानगी नाकारली जाईल. स्थायी समितीच्या मंजुरीनंतर अंमलबजावणी होईल.