தூத்துக்குடியில் இந்தியாவின் முதல் கடல் காற்றாலை திட்டம்

தூத்துக்குடி வ.உ.சி. துறைமுகத்தில் நாட்டின் முதல் கடல் காற்றாலை மின்சார உற்பத்தி நிலையம் அமைக்கப்பட உள்ளது. ரூ.77 கோடி மதிப்பிலான இத்திட்டம் 6.25 மெகாவாட் திறன் கொண்ட ஒற்றை காற்றாலையை உள்ளடக்கியது. துறைமுகத்தின் தெற்கு அலைத்தடுப்பிலிருந்து சுமார் 1,650 மீட்டர் தொலைவில் நிறுவப்படும். இந்திய துறைமுக ரயில் மற்றும் கம்பிவடக் கழகம் டெண்டர் கோரியுள்ளது. இது எதிர்கால கடல்சார் காற்றாலை திட்டங்களுக்கு அடித்தளமாக அமையும்.