शेअर बाजार कोसळला: ३ तासांत ८ लाख कोटींचे नुकसान

आरबीआयने ३ वर्षांत प्रथमच रेपो दर वाढवल्याने आणि धोरण 'तटस्थ'वरून कडक केल्याने गुरुवारी शेअर बाजारात मोठी घसरण झाली. पहिल्या ३ तासांत सेन्सेक्स ८०० अंकांनी घसरून ७१,८०० खाली, तर निफ्टी ३०० अंकांनी घसरून २२,३०० खाली गेला. बीएसईवरील कंपन्यांचे बाजार भांडवल ८ लाख कोटी रुपयांनी घटले. अमेरिकन बॉण्ड यील्ड वाढ आणि एफआयआयच्या सततच्या विक्रीनेही दबाव वाढवला.