मॉन्सून तुटीचा ट्रॅक्टर विक्रीला फटका; सप्टेंबरमध्ये १२.६% घट

यंदा एल निनोच्या प्रभावामुळे मॉन्सूनमध्ये मोठी तूट राहिल्याने ग्रामीण मागणीवर परिणाम झाला आहे. फेडरेशन ऑफ ऑटोमोबाइल डीलर्स असोसिएशन (फाडा) च्या आकडेवारीनुसार, सप्टेंबरमध्ये देशभरात ७६,९०६ ट्रॅक्टरची किरकोळ विक्री झाली, जी ऑगस्टच्या ८७,९७७ च्या तुलनेत १२.६ टक्क्यांनी कमी आहे. खरीप पिकांना कमी पावसाचा फटका बसल्याने आणि सणासुदीचा हंगाम उशिरा सुरू झाल्याने शेतकऱ्यांनी मोठ्या खर्चाची खरेदी पुढे ढकलली आहे.