शारदीय नवरात्रोत्सवाला सुरुवात; अंबाबाई, तुळजाभवानी मंदिरांत विशेष पूजा

आज ११ ऑक्टोबरपासून शारदीय नवरात्रोत्सवाला सुरुवात झाली असून, कोल्हापूरच्या अंबाबाई व तुळजापूरच्या तुळजाभवानी मंदिरांत विशेष धार्मिक विधी व सुरक्षा व्यवस्था करण्यात आली आहे. तुळजाभवानीची मंचकी निद्रा पूर्ण होऊन देवी सिंहासनावर विराजमान झाली असून, धाराशिवचे जिल्हाधिकारी डॉ. कीर्ती किरण पुजार यांच्या हस्ते घटस्थापना होणार आहे. यंदा १९ ऑक्टोबर रोजी अष्टमी व नवमी एकाच दिवशी आल्याने दुर्गाष्टमी, संधीपूजा व कन्यापूजनाला विशेष महत्त्व आहे.