सर्वोच्च न्यायालयाचे दिल्ली पोलिसांना आदेश: बॅरिकेड्स हटवा, मेट्रो-इंटरनेट सुरू करा

सीजेपीच्या जंतर मंतर आंदोलनावर निर्बंध लावल्याप्रकरणी सर्वोच्च न्यायालयाने रविवारी विशेष सुनावणी घेतली. न्यायमूर्ती जॉयमाल्य बागची आणि व्ही. मोहना यांच्या खंडपीठाने बॅरिकेड्स तात्काळ हटवून बंद मेट्रो स्थानके सुरू करण्याचे आदेश दिले. मेट्रो-रेल्वे सेवा सामान्यपणे सुरू ठेवाव्यात, कायद्यानुसार इंटरनेट विनाअडथळा चालू ठेवावे आणि नागरिकांच्या वाहतुकीला परवानगी द्यावी, असेही न्यायालयाने स्पष्ट केले. केंद्रीय गृह सचिव, दिल्ली पोलीस आयुक्त व डीएमआरसी अध्यक्षांना नोटीस बजावण्यात आली.