सुर्ला येथील जुन्या खनिज डंप हाताळणीला ग्रामस्थांचा तीव्र विरोध

सांखळी तालुक्यातील सुर्ला येथे ३५ वर्षांपासून पडलेल्या साळगावकर कंपनीच्या खनिज डंपच्या हाताळणीला ग्रामस्थांनी कडाडून विरोध केला. ग्रामपंचायतीचा ना हरकत दाखला नसताना प्रदूषण नियंत्रण मंडळाने मान्यता दिल्याचा आरोप त्यांनी केला. डंपमुळे गावाचे पर्यावरण धोक्यात येईल, अशी भीती व्यक्त होत आहे. तोडगा निघेपर्यंत खाण सुरू न करण्याचे आश्वासन मुख्यमंत्री डॉ. प्रमोद सावंत यांनी दिले आहे.