കെഎസ്ആർടിസി വെറ്റ് ലീസിൽ അഞ്ച് ബസുകൾ; തിരുവനന്തപുരത്തുനിന്ന് സർവീസ് തുടങ്ങി

വെറ്റ് ലീസ് വ്യവസ്ഥയിൽ സ്വകാര്യ ബസ് ഉടമകളിൽനിന്ന് ഏറ്റെടുത്ത അഞ്ച് ബസുകളുമായി കെഎസ്ആർടിസി തിരുവനന്തപുരത്തുനിന്ന് സർവീസ് ആരംഭിച്ചു. നാല് സർവീസുകൾ പാലക്കാട്ടേക്കും ഒരെണ്ണം അമൃതയിലേക്കുമാണ്. രണ്ട് എസി, മൂന്ന് നോൺ എസി ബസുകളാണ് ലഭിച്ചത്. പാലക്കാട്ടേക്കുള്ള എസി ബസ് രാത്രി 12.30ന് പുറപ്പെടും; ടിക്കറ്റ് 467 രൂപ. പുതിയ ബസ് വാങ്ങുന്ന ചെലവ് ഒഴിവാക്കാനും നഷ്ടത്തിലുള്ള ഉടമകൾക്ക് ആശ്വാസമാകാനും ഈ നീക്കം സഹായിക്കും.