पुणे महापालिकेचे नवे मुख्यालय शिवाजीनगरात?

पुणे महापालिकेच्या विस्तारित हद्दीमुळे प्रशासकीय कामकाज वाढल्याने सध्याचे मुख्यालय अपुरे पडत आहे. त्यामुळे शिवाजीनगरातील शिवाजी आखाड्याच्या सुमारे अडीच एकर जागेवर स्वतंत्र, अत्याधुनिक प्रशासकीय इमारत उभारण्याचा प्रस्ताव विचाराधीन आहे. सभागृह नेते गणेश बिडकर यांनी ही संकल्पना मांडली असून, आखाडा बालेवाडी येथे स्थलांतरित करण्याबाबत शरद पवार यांच्याशी चर्चा झाली आहे. प्रस्ताव अद्याप प्राथमिक टप्प्यात असून, अंतिम निर्णय झालेला नाही.