महाराष्ट्रात पुढील 2-3 दिवस पावसाचा अंदाज, अनेक जिल्ह्यांना यलो अलर्ट

बंगालच्या उपसागरातील चक्रीवादळ आणि मान्सूनच्या स्थितीमुळे महाराष्ट्रात पुढील 2 ते 3 दिवस पावसासाठी अनुकूल वातावरण आहे. हवामान विभागाने रायगड, जळगाव, पुणे घाट, सातारा घाट, भंडारा, गडचिरोली, गोंदिया, नागपूर, नाशिक, जालना, परभणी, हिंगोली, नांदेड, लातूर, अहिल्यानगर, छत्रपती संभाजीनगर, बीड आणि धाराशिव येथे यलो अलर्ट दिला आहे. मुंबईत हलका ते मध्यम पाऊस अपेक्षित असून तापमान 32 अंशांपर्यंत राहणार आहे. शेतकऱ्यांना पिकांच्या निचऱ्याच्या सूचना देण्यात आल्या आहेत.